Sundlaugin Laugaskarði

Sundlaugin Laugaskarði er ein fallegasta sundlaug landins, en hún var byggð var árið 1963 og hönnuð af Gísla Halldórssyni arkitekt. Eldri sundlaugarbygging hafði staðið á sama stað frá árinu 1938. Sundlaugin er 50 metra löng og 12 metra breið og var um langa hríð langstærsta sundlaug landsins. Sundlaugin í Laugaskarði er svokölluð gegnumrennslislaug, hituð upp með jarðgufu, sem tryggir eðlilegt sýrustig og hreinleika vatnsins. Laugin er í skjólsælli hvilft sem veit gegn suðri, norðan Varmár. Á sundlaugarsvæðinu er heit, grunn setlaug, kaldur pottur, heitur pottur með vatnsnuddi og náttúrulegt gufubað. Í sundlaugarhúsinu er líkamsræktarsalur sem er rekinn af íþróttafélaginu Hamri. Austan við laugina eru tveir strandblaksvellir. Sumaropnun 15. maí til 14. september: Mánudaga – föstudaga: 06:45- 21:30 Laugar- og sunnudaga: 09:00 – 19:00 Vetraropnun, 15. sept til 14. maí: Mánudaga til föstudaga: 06:45- 20:30 Laugar – og sunnudaga: 10:00-17:30 Sundlaugin Laugaskarði 810 Hveragerði Sími: 483 4113 netfang: laugaskard@hveragerdi.is