Frost og funi

Hótel Frost og Funi er staðsett rétt fyrir ofan Hveragerði, við bakka hinnar lygnu Varmár. Gestir njóta fyrsta flokks þæginda, fá aðgang að sundlaug, saunu og heitum böðum og geta gert vel við sig í mat og drykk á veitingastaðnum Varmá sem er staðsettur á hótelinu. Hótelið er umlukið hverum og einstakri náttúrufegurð hvert sem litið er. Þar er tilvalið að slaka á með ástvinum og fjölskyldu, þétta vinahópinn eða efla liðsandann meðal vinnufélaga, enda er hótelið vel staðsett fyrir hverskyns fundi, brúðkaup eða veislur. Á Hótel Frosti og Funa sameinast falleg hönnun og þægindi og setja tóninn fyrir notalega dvöl í rólegu umhverfi. Úr herbergjum geta gestir gengið beint út og notið laugarinnar, saununnar og heitu pottana með útsýni yfir Varmá hvenær sem þeim hentar. Frost og funi Hverhamar 810 Hveragerði SímI: 483 4959 / 852 6677 Netfang: info@frostogfuni.is Heimasíða:www.frostogfuni.is